تحبّني ؟ .../ م تحبّني ؟... / تحبّني... ؟
خلني اشوف ان كان قلبك حبّني
تحبّني ؟ .../ م تحبّني ؟... / تحبّني... ؟
ومدري والله ويش منّك صابني
الوردة اللي في يديني خلّصت !
ماتت ! / وهي تصرخ : ترااااك تحبّني !
تحبّني ؟ / سرّ(ن) تبوحه وردتي
ولاّ سكوتك عن (سؤالي) .. شابني
ما عابني غير ( اشتياقي ) و ( الوله )
فأن كنت جنبي .. يا ترى وش عابني ؟
عشق(ن) .. ( كبر ) في خافقي // لجلك كبر
والحين صوبك ( ساق ) رجلي وجابني !
تحبني ؟ / . . . هذي إجابة وردتي
يعني إذا بطلبْك حاجة لبّني :
اترك يديني فوق أيدك تكتسب
بعض الحنان اللي جفاني و سابني !
واجلس معي / طول العمر .. اجلس معي
مثل الطفل في حضن أمه / ربّني
ولو شفت ( نار الحبّ ) فيني خامدة !
ارجوك ياخي قوم افزع .. شــبّــني !
ولو شفتني مرهق و فاقد قوّتي
مرّ بْجمالك من أمام .. و عــبّــني !
حاجة أخيرة سوّها لجلي بعد :
لو شفتني مع ناس غيرك ! / جيبني
وخبّي ( وجودي ) في عيونك للأبد
واحذر تبكّيها..! ... لجل م تصبّني !
تحبّ
...
قراءة التالي »